Með því að skrá þig inn í fyrsta skipti á síðuna með rafrænum skilríkjum, undir "prófíllinn minn" hér uppi í hægra horni síðunnar, hefur þú skráningu þína í klúbbinn.
Ert þú rauður djöfull? Vertu hluti af stuðningsmannahóp Manchester United á Íslandi!
Í lögum félagsins er sagt:
"Tilgangur félagsins er að efla samfélag stuðningsmanna Manchester United á Ísland og tengingu þeirra við félagið erlendis. Félagið stendur fyrir samheldni stuðningsmanna á Íslandi með því að halda fjölbreytilega viðburði, útvega félagsmönnum tilboðskjör víðsvegar og veita félagsmönnum aðgang að miðum á heimaleiki félagsins."
Með því að skrá þig í klúbbinn, hjálpar þú okkur að gera þetta kleift.
Ársgjaldið í klúbbinn er 4.500 krónur (auk 490 króna innheimtugjalds), skv. ákvörðun sem tekin var um félagsgjöld á aðalfundi félagsins og verða endurskoðuð að tímabili liðnu. Aðilar undir 16 ára aldri greiða engin félagsgjöld, en eru með takmarkaða aðild (t.d. sérstökum viðburðum óviðeigandi börnum þar sem áfengi fer um hönd).
Við skráningu stofnast krafa í heimabanka sjálfkrafa. Þegar krafa er greidd getur viðkomandi skráð sig inn á mínar síður, með rafrænum skilríkjum, og séð stöðu sína sem meðlimur. Getur viðkomandi þá einnig hlaðið niður rafrænu meðlimaskírteini sínu í veski símans síns, og framvísað til að öðlast afsláttakjör, t.d. á heimavelli félagsins á öllum leikjum Manchester United. Undir mínum síðum má sjá undirsíðu sem tilgreinir alla þá afslætti og kjör sem meðlimir fá.
Þá fá allir meðlimir gjafir frá klúbbnum eins og unnt er, frá og með árinu 2026, frían aðgang að viðburðum félagsins (nema annað sé tekið fram), vildarkjör/afslætti hjá samstarfsaðilum félagsins og fleira.
Haldnir verða reglulegir viðburðir á heimavelli félagsins, Keiluhöllinni Egilshöll, á borð við Manchester United Pub Quiz, bjórkvöld, fjölskyldubingó, árshátíð og fleira. Alla viðburði fyrir félagsmenn má finna á mínum síðum.
Félagið er viðurkenndur MUSC stuðningsmannaklúbbur (Official Manchester United Supporters Club) og á rétt á að sækja um miða á alla leiki félagsins (í Englandi) fyrir sína meðlimi. Innan MUSC er erlenda nafn stuðningsmannaklúbbsins "Red Devils of Iceland".
Við viljum að gagnsæi sé í úthlutun miðanna og allir njóti góðs af - sjá nánar hér.
Við vekjum athygli á því að enn er verið að vinna í að útfæra meðlimasíður - þar sem hægt verður að stjórna aðgangi sínum, nálgast tilboð, sækja félagaskírteini rafrænt í símaveskið, sækja um miða á leiki og annað slíkt. Algjör grunnvirkni er enn á síðunni en mun breytast ört á næstu vikum.
Ert þú með spurningu? Sendu okkur línu á stjorn@manchesterunited.is og við svörum hratt og örugglega.
